Actualités

Rocade Andohatapenaka Vatoaratra 60 no efa lasan’ny mpangalatra

Actualités
Alakamisy 20 Jolay 2017

Ripaky ny mpangalatra ireo vatoaratra na “batterie” mampandeha ireo andrin-jiro manazava ny tanàna eny amin’ny Rocade Andohatapenaka.

Vao omaly alarobia indray dia mpangalatra maromaro no nifanenjehan’ny voamieran’ny fandriampahalemana teny amin’ity fokontany ity tokony ho tamin’ny 1 ora maraina. Raha ny fanazavan-dRakotoarifeno Théodore, lehiben’ny vaomieran’ny fandriampahalemana eny an-toerana dia mbola tavela sy hita teny an-toerana avokoa ireo karazam-pitaovana nentin’ireo mpangalatra niaraka tamin’ireo vatoaratra vao saika nangalariny. Tafaporitsaka anefa izy ireo. Raha ny fanazavan’ireo mpampiasa iny lalana iny dia saika mahatazana mpangalatra vatoaratra eny an-toerana hatrany izy ireo isan-kariva raha vao migadona ny amin’ny 9 ora alina. Tsy latsaky ny 60 no efa nanjavona hatreto koa iantsoana ny fifanomezan-tanan’ny rehetra. Angatahin’ny tompon’andraikitra eny an-toerana ihany koa ny famerenena ireo vatoaratra tratra amin’ny laonina satria nisy tamin’ireo efa tratra teo aloha no tsy hita izay nanjavonany.

Pati