Actualités

Roalahy niady sipa Nifanao totohondry tao am-piangonana

Actualités
Talata 24 Martsa 2015

Efa mivaona ny tanora amin�izao ary very ny soatoavina malagasy. Ny alahady teo tao Toliara, tovolahy roa no namoa-tsampona tao am-piangonana niady sipa. Tsy nijanona tamin�ny fifamaliana am-bava teny ivelan�ny intsony ny an�ireto mpirafy ireto fa nitohy tao am-piangonana. Tonga dia nivatravatra ny tovolahy iray nipetraka somary nanandrify ny varavarana fidirana ary nilany vaniny sy nihantsy ady mpiangona iray teo alohany. Raikitra ny taim-bava avy eo, ary tsy nahalala menatra intsony teo imason�ny mpiangona.

Nirarakopana teny tsy faneho masoandro

Nitsikafona ny teny tsy faneho masoandro. Rafitra ny totohondry, vaky vava nivoa-dra ny iray nila kisa. Tsy nijanona teo ny tantara fa mbola nifampitolona teny ivelan’ny fiangonana izy roalahy, rehefa vita ny fotoam-bavaka. Tezitra ny tompon’andraikitra tao amin’ity fiangonana ity (izay niangavy tsy ambara eto ny anaram-piangonana sy ny toerana misy azy), ka nandroaka azy ireo. Tsy vao sambany no nahitana sy nisy ady toy izao tao amin’ity fiangonana ity, raha ny vaovao voaray. Tongo-bakivaky, sady maharary no mahamenatra

Eric R.