Actualités

Rezervista te ho miaramila Sarotra ny fandidiana

Actualités
Alarobia 27 Oktobra 2010

Omaly dia nangataka fihaonana tamin’ny filohan’ny FAT teny Ambohitsorohitra ny fikambanan’ny tanora rezervista. Ny sekretera jeneralin’ny prezidansa no nandray azy ireo ny hariva. Tamin’io no namoahan’ireto rezervista ireto ny alahelon’izy ireo satria fantatra tamin’izany fa tamin’ny 2007 no efa nanantena ny horaisina miaramila raikitra izy ireto. Hatramin’izao anefa dia tsy nisy na iray tamin’izy ireo aza voaray. Omaly dia efa nanapa-kevitra ny hanamafy ny fitakian’izy ireo ireto rezervista ireto. Araka ny loharanom-baovao avy eo anivon’ny Tafika anefa omaly raha nanontaniana ity tranga ity dia tsy afaka manao izany ny Tafika. Ny anton’izany dia noho ny tsy fisian’ny vola natokana amin’izany. Ny efa miaramila aza manahirana ny FAT no manome ny karaman’izy ireo koa mainka fa mbola ampiana ireto rezervista ireto indray, hoy ihany ny fanazavana.