Actualités

Razanamahasoa Christine Niaiky fa tsy mahaleotena ny Fitsarana

Actualités
Zoma 06 Aogositra 2010

Olana efa nampitaraina ireo manan-draharaha eny amin’ny tribonaly hatrizay ny fitongilanana na fiandaniana amin’ny didy avoakan’ny mpitsara sasany. Raha nanontaniana momba ny fahaleovantenan’ny Fitsarana ramatoa ministry ny fitsarana ao amin’ny governemantan’ny FAT, Razanamahasoa Christine, dia niaiky fa misy ampahany amin’ny mpitsara tokoa no manaraka ny baikon’ny lehibeny. “Ny mpitsara ao amin’ny fampanoavana ahitana ny tonia mpampanoa lalàna (Procureur) sy ny tonia ambony mpampanoa lalàna (Procureur Général) ary ny lefitry ny mpampanoa lalàna (Substitut) dia azo atao ny manome baiko azy”, hoy ny ministra. Manana ny fahalalahany tanteraka kosa anefa ary tompon’andraikitra amin’ny didy avoakany ireo mpitsara mpamoaka didy raha ny fanazavany ihany.

Yves