Actualités

Razanamahasoa Christine Nentina maika tao amin�ny Polyclinique Ilafy

Actualités
Alarobia 26 Mey 2010

Fiara maromaro an’ny HAT no indray nanaraka sy nanokatra ny lalan’ity «ambulance» iray ny harivarivan’ny alatsinainy 24 mey lasa teo. Nanaitra ny sain’ny maro izany. Rehefa nohamarinina dia ny Minisitry ny Fitsarana, Razanamahasoa Christine ilay narary tao anatin’io. Raha araka ny fantatra hatrany dia nihetsika ny «apendicite»-ny nandritra ny fotoana izay niasany tany amin’ny faritra. Nentina fiaramanidina haingana, araka izany, raha araka ny vaovao azo hatrany, mba hiakatra teto an-drenivohitra hanavotana ny ainy. Vao nigadona teto indray dia avy hatrany dia tao amin’ny polyclinique Ilafy no nitondrana azy avy hatrany. Teo anivon’io toeram-pitsaboana io indray no nahafantarana fa efa nivoaka omaly tolakandro ity manampahefana ambony eo anivon’ny Fitondrana Avon’ny Tetezamita (FAT) ity. Tsiahivina fa anisan’ny tsy teo izy nandritra ny fanolorana ny Governemanta vaovao.

r.d