Actualités

Randrianjatovo Henri �Mijoro ny depiote hamerina ny fitantanana tsara nisy teto�

Actualités
Alatsinainy 02 Aogositra 2010

Nivalona teo ny Dinika Santatra. «Tsy isika ankolafy telo intsony no mila ny TSAR (Tetezamita tsy misy an-dRajoelina) fa ny vahoaka iray manontolo», hoy i Constant Raveloson ny sabotsy teo, nampita ny tatitra azony momba iny dinika teny anivon’ny distrika iny nanoloana ireo olona an’arivony tonga tao amin’ny Magro Behoririka. Ny nanaitra koa hoy izy dia «misy tamin’ireo mpizaika mihitsy no nanolotra ny MAP (Madagasikara Am-perinasa) nandritra iny Dinika Santatra iny» koa asa raha horaisin’ny FAT izany. Nanamafy ny nambarany Randrianjatovo Henri, depiote Tiako I Madagasikara, voafidy tao Faratsiho, nilaza fa «mibosesika ny mpizaika nitaky hanaovana amnistia sy hametrahana tetezamita iraisana», ka ho hita eo raha horaisin’ny FAT izany.

Mikasika ilay hopitaly nampanantenain’i Andry Rajoelina fa hamboarina ao Mahajanga indray dia fanontaniana no napetrak’i Constant Raveloson raha hatao klinika tsy miankina izany ary aiza marina ny vola hanaovana azy, fa toa ny eo ihany no avadibadika ?

Ny depiote moa nampahatsiahy fa «nisy fitantanana tsara teto ka tiana haverina, ary izany no anisan’ny antony mampijoro ny depiote» ka «izay Malagasy tsy mifoha amin’izao dia faty mandehandeha», hoy izy.

Nangonin’i Jean D.