Actualités

Randrianasolo Nicolas Mila hafindra toerana ny « Chef de groupement » any Betroka

Actualités
Alarobia 07 Jona 2017

Mila voatsiary amin’ny fiampangana ny foko zafindravala any an-toerana ho mpangalatra izay tena fampiadiana foko, ny “chef de groupement” an’ny zandary any Betroka, hoy ny depiote Randrianasolo Jean Nicolas.

Ny fitondrana ny fokontany rehetra entiny any aminy hanaovana fanadihadiana ny amin’izany nefa ny sakafo hohanin’izy ireo no tena kandraniny no toheriko, hoy izy, ka hanaovako antso avo amin’ny tompon’andraikitry ny zandarimaria nasionaly, mba hamindrana toerana an’io « Chef de groupement » io ho any an-toeran-kafa. Tsy ankasitrahako satria izaho indray no tsikeraina fa tsy tia fandriampahalemana any aminay. Tanàna efa milamina ny any Betroka ka tsy mila korontaninina intsony. Aleo ny dina no hifampifehezana any. Raha hijery ny dahalo izay any anaty ala no hitoerany fa tsy eny an-tanàna ny fanjakana dia efa nambarako ombieny ombieny fa mila mampiasa helikoptera hanenjehana azy ireo, hoy izy.

Ntsoavina Evariste