Actualités

Ralitera Etienne Afaka mivoaka ny fonja amin�izay ?

Actualités
Alatsinainy 08 Novambra 2010

“Tapitra ny 6 novambra lasa teo ny fotoana tokony ho nitazonana am-ponja an’ingahy Ralitera sy ireo namany 4. Tsy misy taratasy hafa milaza fa tokony mbola higadra izy ireo”, hoy Rtoa Ihanta Randriamandranto sy ny namany. Raha ny fanazavana anefa dia mbola eo anivon’ny fitsarana ambony ireo antontan-taratasy kanefa efa tokony ho tonga eny anivon’ny ‘chambre d’accusation’. “Tsy misy zavatra ara-dalàna intsony ary amboletra avokoa no ao amin’ny fitsarana kanefa efa tokony ho afaka mivoaka izy ireo”, hoy ihany izy nanamafy. Fantatra moa fa tsy hijanona amin’izay izy ireo fa hiakatra ambonibony kokoa. Raha tsiahivina dia ny 6 mey 2009 no nanomboka notazonina teny am-ponja ry Ralitera sy ireo efa-dahy hafa. Fanakorontanana filaminam-bahoaka, fihazonana fitaovam-piadiana tsy nahazoana alalana, famonoana olona, raha tsy hiteny afa tsy ireo no iampangana azy ireo. Efa nisy moa tatitra an-tsoratra na PV nalefan’ny lehiben’ny fandraharahan’ny fonja ho an’ny eo anivon’ny fitsarana momba ny fihazonana an-dRalitera sy ny namany.

Nangonin’i Soa