Actualités

Rakotomanana Honoré Nihaona tamin’ny solontenan’ny FNUAP

Actualités
Sabotsy 17 Jona 2017

Ho fanamafisana ny fiaraha-miasa efa misy eo amin’ny FNUAP tahirin’ny firenena mikambana misahana ny mponina sy ireo parlemantera eo anivon’ny antenimierandoholona Malagasy, dia tonga nitsidika ny filohany Rakotomanana Honoré, tetsy Anosikely omaly ny solontenan’ny FNUAP eto Madagasikara Atoa Costant-Serge Bounda. Niompana tamin’ny fangatahana fiahiana na “ parrainage”an’ny filohan’ny Antenimierandoholona ny andro iray hanaovana ny fifanakalozan-kevitra mikasika ny mponina eto Madagasikara, indrindra fa ny tanora sy ny vehivavy izay hokarakarain’ny FNUAP eto Antananarivo atsy ho atsy ny fihaonana roa tonta. Horesahana amin’io vanim-potoana io ny mikasika ny fitaizana ny tanora sy ny vehivavy. Ny fandraisana anjaran’ ny antenimierandoholona, indrindra fa ireo vehivavy Parlemantera no tanjona iray lehibe hanatsarana ny fiainan’ny mponina amin’ny ankapobeny eto Madagasikara, araka ny resaka nifanaovana.

Ntsoavina Evariste