Actualités

Raharaham-panjakana Mihitsoka tanteraka

Actualités
Talata 18 Aogositra 2015

Raha ny zava-misy ankehitriny eo amin�ny sehatry ny fitantanana ny raharaham-pirenena eto Madagasikara no asian-teny, hoy ny depiote Djaosera Iren�e voafidy

avy any Analalava, dia tsy hisalasalana fa mihitsoka ny “machine administrative” noho ny tsy fahampian’ny vola hoentina mampihodina ny minisitera isan-tsokajiny. Maro amin’ireo mpiasa mifankafantatra amin’ny tena, hoy izy no efa velom-panontaniana ankehitriny hoe : aiza ianareo solombavambahoaka amin’ny fandinihana ny volavolan-dalàna fanitsiana ny tetibolam-panjakana 2015 ? Ekena fa tsy misy zavatra azo atao raha tsy misy ny vola hoenti-miasa any amin’ny biraom-panjakana any, hoy ity depiote ity, ka izany no tsy maintsy ilana ny fanitsiana an’io « loi de finances 2015 io ». Tsy miankina aminay solombavambahoaka anefa ny fahazoana manatanteraka an’io fa miankina amin’ny fiantsoan’ny governemanta ny hisian’ny fivoriana tsy ara-potoana eny amin’ny Antenimieram-pirenena ahafahana miatrika izany fa izahay depiote moa rehefa antsoina andro dia andro, antsoina alina dia alina fa izay no asa napetraky ny vahoaka nifidianany anay.

Ntsoavina Evariste