Actualités

Partagé sur :
• facebook

Tsy mbola miravona hatramin’izao ny disadisa eo amin’ny fitondram-panjakana sy ny orinasam-pifandraisana Life Telecom.

Tsy mbola afaka mihodina moa ity orinasa ity noho ny fampiatoan’ny minisiteran’ny fifandraisan-davitra ny “licence d’exploitation” sy ny tsy mbola fahazoany ny fahazoan-dalana mitrandraka na “autorisation d’exploitation” avy amin’ity farany ihany raha tsy mandoa ny onitra roa tapitrisa dolara, trosa tsy voaloan’ny orinasa Intercel ny Life Telecom. Ny Intercel izay noraisin’ny Life Telecom na ny Madamobil ihany koa. Nanazava i Harotsilavo Rakotoson, tompon’andraikitra eo anivon’ny Life Telecom fa amin’ny firenena mandroso dia ny fikatsahana ny fahazoan’ny firenena tombontsoa farany izay ambony amin’ny lafiny ara-bola, teknika, sosialy no anjaran’ny minisitera fa tsy miditra amin’ny fanomezana fahazoan-dalana mari-drefy izy. Efa misy ny sampandraharaha miandraikitra izany dia ny Omert raha momba ny lafiny fifandraisan-davitra no resahana eto amintsika. Ny famaritana ireo filana eo amin’ny sehatra kosa no tokony himasoan’ny fanjakana raha ny fanazavany ihany. Momba ny raharaha Life Telecom manokana dia miditra an-tsehatra mivantana amin’ny fitakiana ny trosa tsy voaloan’ny orinasa iray teo aloha amin’ny life ny minisitra misahana ny fifandraisan-davitra saingy ataony takalony amin’izany ny momba ny licence tokony hampiasanay, hoy ity tompon’andraikitra misahana ny lafiny lalàna eo anivon’ny Life ity. Raha ny nambarany ihany dia tsy marina ny vaovao miely fa nividy ny licence nampiasain’ny Intercel ny Madamobil. “Tsy nisy mihitsy ny famindrana ny trosa sy fananan’ny Intercel amin’ny Madamobil ary manaporofo izany ny antontan-taratasy momba ny famindrana ny fahazoan-dalana miasa izay navoakan’ny Omert.

Tia Tanindrazana

Samia mijoro ho an'i Gasikara.