Actualités

Raharaha �Caisse ACOA� Tapitra anio ny fe-potoana 48 ora nomen�ny mpikambana

Actualités
Alarobia 16 Jona 2010

Samy niezaka ny nandamina ny raharaha Caisse Acoa, ny lehiben�ny faritra Atsinanana, ny Fitsarana Toamasina, ny distrika Toamasina I, ary ny Ben�ny tan�nan�i Toamasina renivohitra, nefa hatramin�izao dia tsy hita be ihany ny raharaha fa vao mainka mikorontana sy mifaningotra ka saro-bahana.

Nisy ny fanomezana fe-potoana 48 ora nanomboka ny alatsinainy 14 jona, nataon’ireo mpikambana hamahana haingana izao olana izao. Fotoana fanararaotana amin’ireo mpivarotra rahateo nefa ny fety, ny vola ampiasaina mihitsoka nefa mpivarotra sy mpanangom-bokatra avokoa ny ankamaroan’ny mpikambana. Anio no tapitra ity fe-potoana ity. Nandritra ny fifanazavana nifanaovan’ny tompon’andraikitra ny Caisse Acoa sy ireo mpikambana nanoloana ny Acoa Famonjena, dia nilaza i Vahira Augustin, tompon’andraikitra ny Caisse Acoa fa “efa nisy ny herinandro lasa teo iny ny fanatonanay ireo tompon’andraikitra samifaha momba ny fampisamboram-bola madinika, sy ny minisiteran’ny teti-bola izay mpiahy ny fampisamboram-bola misy antsika. Nilaza ny ho avy ao Toamasina izy ireo handamina ny olana ary hitondra amin’izay ny vahaolana ho antsika mpikambana”. Etsy an-kilan’izay, hentitra ireo mpikambana amin’ny fandraisana fepetra momba ny volany mihitsoka. Hevitra tera-bary ny azy ireo ka tao ny nilaza fa “raha tsy mivoaka amin’ity herinandro ity ny volan’ny hatsebohanay dia aza mihevitra ny fetim-pirenena hilamina izany fa hilahatra sy hikorontana izahay tompom-bola ary tsy hanaiky hatramin’ny farany. ka miangavy anareo tompon’andrakitra hamaha haingana ity olana ity”. Nisy koa ny nanambara fa “milaza azy mahavita zavatra avokoa ny mpitondra eto Toamasina, nefa olana kely efa namoahan’ny Fitsarana didy aza tsy hitan’izy ireo akory ny handaminana azy. Takianay hatramin’ny farany ny volanay. Toa izahay tompom-bola indray no mihafy sy mijaly amin’ny volanay noho tombontsoan’ny mpitondra sasany mamporisika ny hafa hanenjika ny caisse-nay”.

Efa nisy ny didy ady maika navoakan’ny Fitsarana ambaratonga voalohany mikasika ny hanaovana haingana ny fivoriamben’ny mpikambana hamaritana ny rafitra sy ny fomba hitondrana ny Caisse Acoa taorian’ny fifanolanana teo aminy sy ny Otiv Littoral nahatonga ny olana tao anatin’ny telo taona izao. Io didy ady maika io koa no manainga ny banky misy ny tahirin’ny mpikambana hamaha ny vola ka hametraka izany ao amin’ny “compte de dépôt” ny Trésor Toamasina alohan’ny hivahan’ny olana. Hatramin’izao anefa dia tsy nisy nanaraka io didy io fa mbola ifandrirarirana eny anivon’ny Fitsarana ady maikan’ny Fitsarana ambony indray. Noho izay indrindra koa no antony tsy mampisy ny vola azo alaina ao amin’ny Caisse Acoa vokatry ny tsy fahampian’ny vola azo omena ny mpikambana haka ny volany.

Ankoatra izay, misy koa ny vaovao hafa re ankehitriny mikasika ilay vola teo anivon’ny banky nafindra eny amin’ny Trésor. Milaza ny loharanom-baovao fa nampiasain’ny Fanjakana nandoavana ny volan’ny mpandray fisotroan-dronono sy ny ampahan’ny karaman’ny mpiasam-panjakana tamin’ny volana mey lasa iny ny vola, ka eo no olana satria tsy sahy manazava ny tena marina ny eo anivon’ny Caisse Acoa fa tratry ny ramatahora. Ho hita eo ihany ny tohiny.

Nangonin’i Jean D.