Actualités

Raharaha abatoara Ankadindratombo Niakatra fitsarana omaly

Actualités
Alarobia 27 Mey 2015

Niakatra fitsarana omaly ilay raharaha abatoara Ankadindratombo izay nitorian�ny fikambanana HAFARI Malagasy ny Ben�ny tan�nan�ny kaominina ambanivohitra Alasora.

Olona manodidina ny 15 isa no nohenoin’ny fampanoavana nandritra izany izay nahitana ny Ben’ny tanànan’Alasora teo aloha, ireo mpanolotsaina niaraka taminy ary ilay Sinoa izay nividy ny abatoara voalaza fa hafindra eny Ankadiaivo. Ho an’ny fikambanana HAFARI Malagasy manokana dia nambaran’ny filoha Rafanomezantsoa Jean Nirina fa niainga tamin’ny porofo teo am-pelatanany ny fitoriana nataony, niaro ny fitarainana voarain’izy ireo izay notsindriany fa tsy azony hodiana tsy hita satria tsy mpiray tsikombakomba amin’ny tsy rariny izy ireo. Na izany aza anefa dia notsindriany fa mahatoky ny fahendren’ny fitsarana ny tenany, didy hivoaka ny 23 Jona ho avy izao. Notsiahivin-dRafanomezantsoa Jean Nirina hatrany moa fa tsy mpanao politika ny tenany ary tsy hilatsaka Ben’ny tanàna na dia misy aza ny mivoy mafy izany.

Pati