Raharaha 1

RM3 Toamasina Misy kolonely sy kapiteny nohadihadiana

Actualités
Zoma 30 Aprily 2010

Mitatra isan’andro ilay raharaha fanafihana nitranga tao amin’ny Toby 1/RM3 Toamasina nataona miaramila roalahy mpitsoaka an-daharana ka nahavery fitaovam-piadiana mahery vaika. Araka ny fandehan’ny fanadihadiana ataon’ny sampana mpanao fikarohana sy misahana ny ady heloka bevava eo anivon’ny zandarimariam-pirenena, dia efa am-polony no voarohirohy amin’ity raharaha ity ka misy kolonely sy kapiteny ary filoham-pokontany teo aloha nohenoina. Tokony ho omaly alakamisy no niakatra fampanoavana ny raharaha saingy tsy vita. Araka ny fanangonam-baovao, izay sarotra tokoa, dia saika halefa eto Antananarivo izy ireo.

Nangonin’i Jean D.