Actualités

Rado Rabarilala Sendikalista “Olona mahay mifandray amin’ny vahoaka no ho tompon’ny ampitso”

Actualités
Alarobia 26 Jolay 2017

Feno roa taona katroka amin’izao volana jolay 2017 izao no nanombohan-dRado Rabarilala sendikalista ao amin’ny orinasa Air Mad sy ny namany ary nampiatoana azy ireo tamin’ny asany avy.

Tsy mbola miasa izy ireo hatreto na efa nisy didy nivoaka namerina azy ireo handray ny asany aza. Nambarany tenanyanefa fa tsy resy izy ireo amin’ny tolona himasoana dia ny fiarovana ny foto-kevitra tsy fetezan’ny fitantanana ao amin’ny orinasa ary tsy voavidy vola araka ny eritreritry ny sasany. Nambaran-dRado Rabarilala fa ny tolona atao dia maharitra ary miandalana fa tsy azo hikoropadropahana. Nolazainy ihany koa fa tsy ny manampahaizana sy maranitsaina akory no ho tompon’ny ampitso eto Madagasikara fa izay olona mahay mifandray amin’ny vahoaka (capacité d’adaptation). Mihoapampana loatra ny fandaniana ataon’ny mpitondra fanjakana eto amintsika ankehitriny nefa ny vahoaka tena sahirana. Mila mandray andraikitra daholo ny Malagasy tsy an-kanavaka mba ho tombontsoan’ny besinimaro ary ho fanatsarana ny fari-piainan’ny tsirairay, hoy izy.

Ntsoavina Evariste