Actualités

Radio Fahazavana Nolavina hatrany ny fahafahana vonjimaika

Actualités
Alarobia 09 Jona 2010

Niakatra tao Anosy omaly ireo mpanao gazety enina mianadahy izay miasa eo anivon’ny Radio Fahazavana. Fanadihadiana ifotony, raha araka ny vaovao azo tao amin’ny tribonaly, no anton’io fitondrana azy ireo io. Tsy nisy nipika loatra ny tao satria samy mitandrina ny tsiambaratelon’ny fanadihadiana avokoa ny rehetra. Na izany aza anefa dia fantatra fa mbola nolavina fanindroany indray ny fangatahana fahafahana vonjimaika izay nataon’ireto olon’ny haino aman-jery ireto. Naverina soa aman-tsara teny Antanimora, arak’izany, izy ireo rehefa vita ny fanadihadiana azy tetsy Anosy. Mbola omaly ihany koa no nentina tao Anosy natao fanadihadiana ifotony ny olon’ny FIGN roa izay voampanga ho nikomy tamin’ny 20 mey. Ireto farany indray dia naterina teny amin’ny toerana niaingany, izany hoe teny Tsiafahy, rehefa vita ny fihainoan’ny mpitsara azy ireo.

r.d