Actualités

Rabehaja Jackie Ernest, Mpitsara �Mangina noho ny aiko sy ny fianakaviako�

Actualités
Alarobia 13 Oktobra 2010

Tsotra ny fanazavany ka nilazany fa «noho ny fiarovako ny aiko sy ny ain’ny fianakaviako dia aleoko mangina mikasika iny toe-javatra iny. Faharoa dia voafehin’ny ‘code de déontologie’ sy ny ‘code d’éthique’ amin’ny maha mpitsara amperin’asa koa aho ka tsy manan-kambara fa mila alalana avy amin’ny ministry ny fitsarana mpiahy anay. Fahatelo na mpitarika ny SMM Toamasina aza aho, dia tsy afaka hitondra tenin’ny SMM fa ny filohanay ihany no manan-jo hitondra teny izany. Ary fahefatra farany dia misy ny fotoana hanginana ary tsy maintsy ho avy koa ny fotoana hitenenana». Na teo aza anefa ireny zava-nisy teo amin’ny mpitsara naman’izy ireo ireny, dia miasa toy ny andavanandro ireo mpitsara amin’izao fotoana izao, ny fitokonana rahateo raha ny baikon’ny filohan’ny SMM nasionaly dia mifarana aloha taorian’ny fihaonana tamin’ny filohan’ny FAT na tsy mahafaly ny ankamaroan’ny mpitsara aza izany. Araka ny tsiliantsofina dia hanao fivoriambe tsy ara-potoana ny zoma ho avy izao handinihana ny tohin’ny tolona ireo SMM, ka izay tapaka eo indray no harahina manomboka ny herinandro ho avy io, na hitohy ny tolona na hekena ny tapaka farany.

Rakoutou