Actualités

Port Toamasina Kaontenera tsy mazava nisy namoaka

Actualités
Alarobia 01 Septambra 2010

Ny 27 aogositra 2010 dia nisy Inspecteur de Police iray avy aty amin’ny FIP Antananarivo sy lehilahy iray, miaraka amina «transitaire» sy vehivavy iray tonga tao amin’ny Seranan-tsambon’i Toamasina amin’ny andro amin’ny folo ora alina. Namoaka entana izy ireo ka fiara vaventy roa no nitondra ny kaontenera misy ny entana nivoaka ny seranana. Rehefa nosavaina ny taratasy, dia tsy mifanaraka ny nomerao voasoratra amin’ny kaontenera sy ny fahazoan-dalana hivoaka. Ireo Polisy moa dia nilaza fa baiko no azony’ hiambina an’ireo kaontenera ireo fa misy vehivavy izany no nolazain’izy ireo fa tompon’andraikitra amin’ireo entana ireo. Voatery notanana ao amin’ny kaompanian’ny seranan-tsambo ao Toamasina ireo fiara roa sy ny kaontenera, ary atao ny fanadihadiana, araka ny fampitam-baovaon’ny zandary.

Nangonin-dRabe