Actualités

Petite vitesse, Isotry, Ampefiloha Mpivarotra tsy ara-dalàna an-jatony no nesorina

Actualités
Zoma 14 Jolay 2017

Anisan’ny toerana tena ahitana fitohanan’ny fifamoivoizana lavareny ny eny Isotry sy ny manodidina noho ireo mpivarotra tsy ara-dalàna milatsaka anaty arabe.

Tonga nanadio sy nanala ireo mpivarotra amoron-dalana teny an-toerana ny kaominina Antananarivo Renivohitra omaly, fanadiovana izay niarahana tamin’ireo ekipan’ny Boriborintany voalohany sy ny polisy monisipaly. Nanomboka teny Petite Vitesse ny asa, nandalo an’Isotry ary nifarana teny Ampefiloha. Raha ny nambaran’ny lefitra voalohan’ny lehiben’ny Boriborintany I Rafanomezantsoa Mamy Nirina dia tokony hifanentana sy hifampitaiza ary hifanaja mba tsy ho tonga any amin’ny fanasaziana. Nohamafisiny fa tsy hijanona hatreo ny ezaka fanadiovana fa hitohy manerana ireo faritra hafa. Mpivarotra an-jatony no nesorina sy nentanina mba hamonjy ireo tsena ara-dalàna ankoatra ireo te-hamonjy ny tsenan’Isotry isaky ny andro sabotsy. Hisy moa ny fepetra hentitra horaisina ho an’ireo minia tsy manaraka ny fandaminana.

Pati