Actualités

Partagé sur :
• facebook

Manerana ny tanàna ankehitriny ny toeram-pivarotana « décodeur » ny orinasa sinoa Startimes.

 Tsy  dia nampoizina intsony ny fiverenan’ity orinasa ity eto  Madagasikara, hoy  ireo  mpanara-baovao taorian’ny nanatsoahan’ny « Office Malgache d’Etudes et de Régulation des Télécommunications » na (Omert) ny alalana  fahazoan’ity orinasa ity miasa eto Madagasikara. Io fanapahan-kevitra io izay tsiahivina fa nahazo ny fankatoavan’ny fanjakana  malagasy ankehitriny  araka ny fanadihadiana iray  ao amin’ny  tranonkalan’ny Sobika izay namotsipotsitra ny fifanarahana izay mety nataon’ny governemanta teo aloha izay voalaza fa nandraviravy vola  mitentina 150 tapitrisa dolara amerikanina  tamin’ny alalan’ny  Exim bank  mba ho famatsiana ny fametrahana ny TNT teto  Madagasikara. Raha araka ny fanambaran’ny manampahaizana  momba  ity teknolojia TNT  ity anefa dia 30 tapitrisa dolara amerikanina dia efa  ampy nikarakarana  ny  fametrahana ny  TNT eto Madagasikara. Saika natao inona izany ny  vola ambiny ? Araka ny fanadihadiana  tao amin’ny tranonkalan’ny Sobika ihany dia mipetraka ny fanontaniana hoe noraiketina indray ve  izany ny fifanarahana tamin’ny orinasa Startimes  izay mety hitantana sy hifehy  ny fampiasana ny TNT eto Madagasikara  matoa  izy miverina  izao ? Raha ny  orinasa  Startimes  tokoa ary no  hitantana ny fampiasana ny TNT eto Madagasikara ka izy no hametra ny karazana  fandaharana handeha eto Madagasikara sy hampiasa maimaim-poana ny TVM sy ny DIT, inona no  hiova sy hitranga ? Fanontanina  mila valiny avokoa  ireo.

Andry Ratovo 

Tia Tanindrazana

Samia mijoro ho an'i Gasikara.