Actualités

Ora-mikija tany Alaotra Tapaka ny lalana, vaky ny fefiloha ao Morarano

Actualités
Alatsinainy 29 Desambra 2014

Nanimba zavatra maro tany Alaotra indrindra ny teo amin�ny tontolo ny famokarana ny rotsak�orana nisesy tao ho ao izay. Nisy ny fefiloha vaky tany Morarano ka lasa fefiky ny rano avokoa ny velaratanimbary hatrany amin�ny1000 ha

Very fanahy mbola velona ankehitriny ireo tantsaha, satria ilay rotsak’orana nantenaina hanatsara ny famokarana no lasa niteraka fahasimban-javatra. Betsaka ireo tanimbary no tototry ny bedana sy ny fasika. Ahiana hampihena ny voka-bary any alaotra ny fitohizan’ny rotsak’orana any an-toerana io raha tsy misy fanamboarana haingana ny mahakasika ireo fotodrafitr’asam-pamokarana ireo. Ireo tantsaha any amin’ny distrika Amparafaravola no tena voa mafy vokatr’ilay fahavakisan’ny fefiloha tao Morarano Chrome. Ankoatra ny fahavoazana teny an-tanimbary dia lalana maro no tapaka sy tsy azo aleha intsony. Vokatr’izany manararaotra mampiakatra saran-dalana ny mpitatitra sasan-tsasany. Miandry izay fandraisan’andriakitr’ireo manampahefana sy ny fitondram-panjakana ny vahoaka any an-toerana.