Actualités

Onjam-piainana Mpamosavy maty nitelina poizim-boalavo

Actualités
Alarobia 22 Aprily 2015

Ny herinandro nivalona iny, roa andro taorian�ny nandevenana an�ity ramatoabe iray mananika ny 65 taona, monina amina fokontany iray ao Toliara voalazan�ireo mpiara-monina ho mpamosavy maty namono tena nitelina poizim-boalavo. Izy efa tsy nisy aina vao maraina no hitan�ny havany.

Vaky ambatolampy ny nafenina hatrizay, satria niady lova ny zanany roa ary nifanalabaraka imasom-bahoaka. Vetivety dia niparitaka sy niely eran’ny tanàna ny vaovao. Raha ny karo-baovao dia ny volana desambra lasa teo ity ramatoabe ity no voadaroka rehefa nanakotaba sy nandihidihy teo an-tokotanin’olona mifefy tamin’ny alimbe. Naratra teo amin’ny tongony havia ity mpamosavy ity ary nanomboka teo tsy nety sitrana ny fery teo amin’ny tongony na dia notsaboina sy nandaniana vola aman-karena aza. Ankevitry namoifo ity ramatoabe ity, satria mbola hita tao amin’ny trano natoriany ny fonosana nisy ilay poizina.

Eric R.