Actualités

Oniversite Toliara Mifandrahona i Pr Dina Alphonse sy ny Seces mitokona

Actualités
Alatsinainy 07 Septambra 2015

Mihenjan-droa ny tady eo amin�ny fanjakana sy ny mpampianatra mpikaroka sasany mpikambana ao amin�ny SECES. Raha ny fanambaran�ny filohan�ny oniversiten�i Toliara, Pr Dina Alphonse fa miverina manomboka anio alatsinainy 7 septambra ny fampianarana ao Maninday.

«Ampahana mpampianatra mpikaroka vitsy ao amin’ny Seces ireo mitokona, fa saika nahavita ny fandaharam-pianarany avokoa ireo mpampianatra mpikaroka rehetra, ary miandry fanadinana fotsiny», hoy ny filohan’ny oniversiten’i Toliara.

Tsy nisorona i Pr Dina Alphonse nilaza, fa misy mpampianatra manosika an’ireo mpianatra manao hadalana. «Handraisana fepetra hentitra izy ireo manomboka izao ary hosamborina izay manakorontana ny fampianarana, mba hanehoana amin’ny rehetra fa misy ny «autorité universitaire». Etsy an-kilany, tsy manaiky izany fihetsika miendrika ramatahora izany ireo mpampianatra mpikaroka sasany mivondrona ao amin’ny SECES Toliara. «Tsy hampianatra mihitsy izahay raha tsy voasonia amin’ny 14 septambra 2015 ny fanomezan-toky nifanaovana tamin’ny Fanjakana», hoy Dr Legros sy ny ekipany, nanao valandresaka tamin’ny mpanao gazety, ny sabotsy antoandro teo, tao amin’ny Cedratom.

Eric R.