Actualités

Oniversite Ankatso Nitokona koa ny DEGS

Actualités
Alarobia 22 Aprily 2015

Tsy mbola milamina ny raharaha eny amin�ny Anjerimanontolo eny Ankatso. Raha nisento kely ny mpianatra ho mpitsabo izay nitaky ny vatsim-pianaran�izy ireo sy ny vatsim-piofanana omaly dia ny mpianatra ao amin�ny sampana lal�na sy fitantanana (DEGS) indray no niditra an-tsehatra

. Omaly tokony ho tamin’ny 10 ora sy sasany ary dia voatery noravana mihitsy ny fianaran’ireo mpianatra taona voalohany amin’ny sampana lalàna noho ny horakoraka tao an-tokotanin’ny « demi-tonneau » teny Ankatso. Tonga teny an-toerana ihany koa ny mpitandro ny filaminana avy ao amin’ny Emmoreg ka vetivety ihany dia nilamina ny raharaha. Ny tolakandro raha niditra ny efitrano fianarana ihany koa ireo taona voalohany amin’ny sampana fitantanana dia mbola nisy ny sahoan-dresaka ny mety hahatongavan’ireo mpitokona fa tontosa soa aman-tsara ihany ny fianaran’izy ireo. Raha hatrany amin’ny volana novambra 2014no nisy tsy voaloa ny vatsim-pianaran’ny mpianatra ho mpitsabo dia nanomboka ny volana febroary 2015 kosa ny an’ny mpianatra lalàna taona voalohany. Araka ny vaovao voaray dia mbola hitohy izao hetsiky ny mpianatra izao mandra-pahazoan’izy ireo ny fandaharam-potoana handoavana ny vatsim-pianaran’izy ireo.