Actualités

Olana ara-bola Ahiana hikatona ny Oniversite

Actualités
Zoma 11 Jona 2010

Misedra olana ara-bola ny oniversite rehetra eto Madagasikara amin�izao fotoana. Nampidirina tamin�ny volana febroary 2010 ny mpianatra mba hilazana fa mandeha ny raharaham-pirenena tarihin�ny FAT

Vao tsy ela akory anefa izay dia nananosarotra ny fahitana vola handoavana ny vatsim-pianaran’ny mpianatra. Saika «équipement» na fampitaovana fotsiny aloha no aloa kanjo nihetsika ny mpianatra ka voatery naloa ny vatsim-pianarana roa volana. Ankehitriny, efa tokony ho roa volana no haloa nefa toa tsy mbola misy tokotaniny izany hatreto.

Fa ny tena olana, araka ny loharanom-baovao, dia tsy mbola tonga eo anivon’ny oniversite ny vola fampandehanan-draharaha madrak’ity ny androany. Efa manontany tena ny Sojabe sasany hoe : sao efa tokony hakatona aloha ny Oniversite. Ny vola saram-pisoratana anarana mantsy no nahodina hatreto. Efa madiva ho tapitra izany vola izany ankehitriny. Any amin’ireo toeram-pampianarana sasany dia tsy mbola voaloa ny ampahany betsaka tamin’ny ora fanampiny na «heures complémentaires» tamin’ny herintaona. Ny «heures complémentaires» manaraka anefa efa tokony haloa amin’ny volana jolay izao.

Etsy an-danin’izay dia betsaka ny mpampianatra no mimenomenona fa kobaka am-bava ireo didim-panjakana telo momba ny «déplafonnement» sy ny «indemnité de recherche». Hay taratasy nentina nampangina ny mpampianatra fotsiny. Ahiana ny fikatonan’ny oniversite raha izany olana rehetra izany no tsy voavaha

Nangonin’i Jean D.