Actualités

Nosamborin�ny GIR �Vadina� zandary mibizina grenady

Actualités
Alarobia 14 Jolay 2010

Sakaizana zandary iray no voarohirohy tamina aferana grenady. Afak’omaly ity ramatoa ity no nalain’ny polisy tao an-tranon’ilay zandary. Noho ny fahatraran’ny polisin’ny Gir grenady iray saika hamidy teny Ambondrona tamin’ny 1 jolay lasa teo no nahatonga izany. Notononin’ilay lehilahy ho mpamatsy azy mantsy ity vadina zandary ity ka tsy maintsy natao famotorana izy. Araka ny fantatra teo anivon’ny polisim-pirenena dia nanaiky ny fidirany amin’ity resaka ity ilay vehivavy saingy nolazainy kosa fa miaramila no loharanon’ireo grenady ireo izay am-polony maro mihitsy. Nomena ny zandary indray ny fanohizana ny famotorana taorian’izay ary efa nandefasan’izy ireo fiantsoana ilay miaramila.

Nofandrihan’ireo avy amin’ny Gir moa ilay lehilahy teny Ambondrona nahatrarana azy. Milaza ho mpividy ireo polisy ka folo no nifanarahana hovidiana iray hetsy ariary mahery ny iray. Rehefa tonga teny Ambondrona anefa dia iray ihany no nentiny. Araka ny voalazan’ny zandary tao amin’ny toby misy ity namany voatonontonona ity kosa dia tsy mbola vita soratra izy roa ireo fa mipetraka ao aminy fotsiny manao tokantrano maso.