Actualités

Nitsikombakomba ny jiolahy sy ny mpiambina Lavanila iray kamiao saika nanjavona

Actualités
Alarobia 08 Desambra 2010

Miha manakaiky ny andro fety, miha mahazo vahana manaraka izany ihany koa ny asan-jiolahy, izay no zava-misy ao Toamasina tato ho ato izay. Matihanina sy tsara rindra raha ny fahitana ny fomba fiasan�ireo jiolahy ankehitriny. Tsy manao andiany maro be tahaka ny tany aloha intsony, fa vitsy mahavita no tanjona mba tsy hanamaro isa ny fizarana ara-bola aorian�ny �mission� atao rehetra.

Tratra ambodiomby teo am-pangalarana ny sabotsy alina nifoha ny alahady maraina teo ny jiolahy 12 mirahalahy, raha nikasa ny hangalatra ny lavanila tao anatina magazaina «transit» iray tao Toamasina. Lavanila efa tao anaty baoritra niisa 100 mahery ireto nokasaina nangalarina ireto. Lavanila saika eo haondrana izy ity. Arifomba ireto jiolahy ireto, nampiasaina avokoa mantsy na ny finday na ny «talky walky» hanamorana ny fifandraisana ho an’ireo anaty magazay sy ny ety ivelany ary ny mpitatitra.

Tsy tontosa hatramin’ny farany anefa ny «mission» natao noho ny vaovao azon’ny polisy ara-potoana, dia izao sarona ambodiomby izao. Tratra hatramin’ny fiara vaventy «semi-remorque» saika hitaomana ny entana ihany koa. Nambaran’ireo polisy manao ny fanadihadiana, na tsy milaza ny marina ny mpaniraka sy mety hamarotana ny vanila saika nangalarina izao ireto jiolahy 12 mirahalahy ireto, dia tsy tongatonga ho azy izany, fa tsy maintsy misy «patron» mpaniraka sy nampanao «mission» tao matoa tafiditra hatramin’ny mpiambina tsy miankina tao anatin’ilay raharaha, izay nanamora ny fidirana tao anaty magazay. Mandeha ny fakana am-bavany sy ny fanadihadian’ny fitsarana mpanao famotorana mikasika ny raharaha, ka ho hita eo izay ho vokany sy ireo olona tao ambadika rehetra.

Ankoatra izany, manao ny ataony ihany koa ireo mpangarom-paosy sy mpanao sinto-mahery eny an-tsena sy toerana vory olona amin’izao fotoana izao. Tsy mba olona lehibe akory anefa no mpanao azy ity sy mpibaiko ireo «bandy kely» mpanao ny iraka, fa tanora manodidina ny 14 sy 16 taona avokoa, ary ireo mpanao ny harom-paosy kosa dia efa ankizy manomboka amin’ny 8 na 9 taona hatramin’ny 12 na 13 taona avokoa. Ny fitomboan’ny ankizy sy tanora tsy mandeha an-tsekoly, sy ny firongatry ny fidorohana rongony amin’ny fampirisihana sy fampianaran’ny samy mpinamana, no nanova ireto ankizy sy tanora lasa jiolahy kely ireto.

Rakoutou

Sary : Ilay fiarabe nitondra ny lavanilina saika hangalarina