Actualités

Nanondrana indray ny Airmad Tavela ao Ivato ny entana, ny mpandeha lasa any Tolagnaro

Actualités
Talata 28 Aprily 2015

Zava-doza indray no nafitsoky ny Air Madagascar ny alatsinainy tolakandro teo. Raha tonga soa aman-tsara tany Tolagnaro ireo mpandeha tao anatin'ny fiara-manidina ATR, akory ny hatairan'ireo mpandeha fa tsy tafiditra tao anatin'ilay fiaramanidina nitondra azy ireo ny entana

. Ny entana teny an-tanana (baggage à main) ihany no tonga. Hatreto tsy fantatra izay tena antony. Samy mametra-panontaniana ireo mpandeha ? Midika ve izao tranga izao fa miaina amin'ny fitavozavozana ny tompon’andraikitra ao amin'ity kaompaniam-pitaterana ana habakabaka ity. Betsaka ny voka-dratsin'izany. Maro amin'ireo entan'ny mpandeha no voalaza fa ilaina andavanandro tokony hampiasaina kanefa dia tsy hita. Voatery nisahirana mbola nividy izay tokony hilaina izy ireo. Mateti-pitranga ny olana toy izany any Tolagnaro raha tsy hilaza afa-tsy ny fahasimbana nisy teo amin'ny sidina hafa, iray volana lasa izay. Tsaroana ihany koa ireo razana nifamadika, ka razana tokony ho nalefa any Toliara no lasa tany Kenya.

OTH