Actualités

Mpivarotra etsy Andravoahangy Nifanaiky fa hanadio tsena isan’andro

Actualités
Sabotsy 10 Martsa 2018

Nanao fanadioavana faobe ireo mpivarotra braokatera rehetra sy ny mpivarotra legioma tetsy Ambodivona, mitsofoka eo amin’ny Total omaly tolakandro. Ny lehiben’ny tsenan’ Andravoahangy,

Eric Augustin Rakotondrafara, no nitarika taorian’ny fampandrenesana efa nataon’ny CUA sy ity farany nialoha. Avy hatrany dia nanadio ny tsena izay tandrify azy avy ireo mpivarotra , namafa sy nandraoka ny fako, teo koa ny fanadiovana ny lakandrano izay tsentsina. Hisy ny vahaolana maharitra hapetraka amin’ny fanadiovana eny an-toerana manomboka izao, araka ny fanambaran’ny Lehiben’ny Tsena. Niara nivory avy eo ny mponina teny an-toerana sy ny solonten’ ny mpivarotra amin’ny faneken’izy ireo ny hanadio ny tanàna sy fanatsarana ny lakandrano izay asiana sarony rarivato. Raha ny fanadiovana dia hisy latsa-keboka 100 ariary isan’andro , ho an’ny lakandrano kosa dia atao indroa isan-kerinandro. Ny fanamborana ny lankandrano asiana rarivato koa dia neken’izy ireo ka hisy ny tsipaipaika eo amin’ny roa tonta.

J. Mirija