Actualités

Partagé sur :
• facebook

Mpitsoka mozika mitety tanàna Mahazo 10.000 Ar isan’andro ny olona iray

sssssssssssssssssssssssssssssssssssssssssssssssssssssssssssssssssssssssssssssssssssssssssssssssssssssssssssssssssssssssssssssssssssss

Anisan’ny asa iray mamelona  fianakaviana maro amin’izao fiandohan’ny taona vaovao izao ny fitsofana mozika. Mbola betsaka mantsy ireo tokantrano Malagasy miantso azy ireny mba hanao hira entina  hamalifaliana ny manodidina sy ny ankohonany  rehefa asaramanitra tahaka izao ankoatra ireo mahita eny an-dalana dia mitondra mankany an-tokantranony. Raha araka ny fanazavan-dRakotoarivelo Andry anisan’ireo rain-dahiny amin’ny fitsofana mozika mitety tanàna eto an-drenivohitra amin’izao dia mahavita mitety tanàna 20 isan’andro izy ireo raha kely indrindra. Hahazoan’ny olona tsirairay anaty tarika 10.000 Ar isan’andro izany raha miisa 13 izy ireo no miaraka. Hira telo ka hatramin’ny efatra isaky ny tanàna iray no hataon’izy ireo amin’izany mba hahafahan’ny olona rehetra mandrotsaka rakitra. Na izany aza dia notsindriany fa mandritra ity volana janoary ity ihany no mandeha io asa io. Ny ankoatra izay hoy izy dia miverina amin’ny fitanana angady sy ny asa fivelomana hafa indray ny ankamaroanay satria tsy maintsy mihinana ny vady aman-janaka. Marihina moa fa na dia maro aza ireo tokantrano Malagasy mbola mankafy itony fakana mpitsoka mozika itony rehefa taom-baovao tahaka izao dia tsy vitsy ihany koa ireo tsy dia mankasitraka izany intsony noho ny antony maro samihafa.

Pati

Tia Tanindrazana

Samia mijoro ho an'i Gasikara.