Actualités

Partagé sur :
• facebook

Taorian’ny fametrahana ilay sorabaventy fanairana nataon’ireo mpiasan’ny fadintseranana ao Toamasina ny alatsinainy sy talata lasa teo, dia nivoaka omaly maraina ny taratasy milaza mazava ny fitokonan’izy ireo, raha tsy misy fandraisana fepetra mikasika ny fitakian’izy ireo.

Raha ny fanazavana nataon’ireo mpiasan’ny fadintseranana niresaka tamin’ny mpanao gazety, dia mikasika ny fanalana amin’ny toerany ireo mpiara-miasa akaiky amin’ny tale jeneralin’ny ladoany mbola miasa ao Toamasina, taorian’ny fanalana ny “receveur” farany teo, no takian’izy ireo. Voalaza moa fa miisa fito izy ireo no miasa eo anivon’ny fandintseranana ao Toamasina. Mitaky ny fialan’ny tale jeneralin’ny ladoany Malagasy koa ireto mpiasa ireto. Ankoatra ireo koa ny famerenana ny zon’ny mpiasa amin’ny fiarovana sy tombontsoa tokony ho azy ireo amin’ny asa ataony. Fantatra fa efa tamin’ny taona lasa 2009 ity fangatahana ity no nataon’ny mpiasa, ary efa niteraka fitokonana, 14 volana aty aoriana anefa dia tsy nisy valiny. Misy anefa ny gidragidra eo amin’ny “Transitaires” sy ny mpiasan’ny fadintseranana ireto ankehitriny, satria voalaza fa ireo peta-drindrina napetraky ny mpiasa dia endahin’ireo “Transitaires” ireo indray. Ny talata ho avy izao no hisy ny fitokonana faobe sy fanakatonana ny biraon’ny ladoany rehetra ao Toamasina, raha tsy misy ny famahana ny olana takian’ny mpiasa ao anatin’ny 72ora nomen’izy ireo ny fitondrana FAT efa nanome toky azy ireo 14 volana lasa izay. 

Tia Tanindrazana

Samia mijoro ho an'i Gasikara.