Actualités

Mpiasam-panjakana Natao hanompo fa tsy tompoin’ny vahoaka

Actualités
Talata 01 Aogositra 2017

Foto-pisainana napetraky ny delegen’ny boriboritany fahatelo hatramin’ny nandraisany izany toerana izany ny fanomezana fahafaham-po ireo olona rehetra mikarakara taratasy eo anivon’ireo sampan-draharaha misy eny an-toerana.

Mihevitra ary resy lahatra rahateo i Rado Andriamamonjisoa fa natao hanompo fa tsy tompoin’ny vahoaka ny mpiasam-panjakana. Tanjona fototra amin’ny fomba fiasa ao Antaninandro moa ankehitriny ny fanafainganana sy fanalefahana ireo dingana fampisitrahana ny filàn’ny mpanjifa ny tinady tadiaviny, araka ny fanamarihany. Iray andro ihany ohatra dia mivoaka ny taratasy fampahafantarana zazakely vao teraka raha maharitra herinandro mahery izany hoan’ireo firaisana na kaominina hafa. Ora iray dia vita ihany koa ny biletà fahaterahana niandrasana 48 ora teo aloha. Misy rahateo ny tabilao lehibe toro-làlana hoan’ny vahoaka hanampiana azy tsy ho roboka amin’ny fanomezana vahana ny kolikoly izay mampalaza ratsy ny sampan-draharaham-panjakana eto Madagasikara amin’ny ankapobeny, hoy ity mpitantana ny boriboritany faha-3 eto amin’ny kaominina Antananarivo renivohitra ity.

Ramano F.