Actualités

Mpiasam-panjakana Hitokona etsy Anosy anio

Actualités
Zoma 18 Janoary 2013

Tsy miandry ela fa vao tsy mahazo valiny avy amin�ny fanjakana taorian�ny fahataperan�ny 48 ora nomeny hanitsiana ny marikarama dia manao hetsika ny mpiasam-panjakana tarihan�ny vondrona sendika F3M.

“Sit-in”, izany hoe fitokonana an-dalambe etsy amin’ny arabe anoloan’ny ministeran’ny fanabeazam-pirenena no fotoana anio manomboka amin’ny 11 ora araka ny fangatahana alalana napetraka teny amin’ny biraon’ny Kaominina Tsimbazaza omaly tolakandro. Nilaza i Andriankinana Tsialofana, filoha mpiara mitarika ny F3M sady mpanomana ity hetsika hanomboka anio ity fa “efa nifanekena tamin’ny mpitondra fanjakana araka izay tapaka nandritra ny fihaonamben’ny mpiasam-panjakana teny Ivato tamin’ny aogositra 2012 ilay fanitsiana marikarama “grille indiciaire consolidée et alignéé” izay tokony ho nihatra nanomboka ny volana septambra 2012 nefa tsy misy resaka mihitsy hatramin’izao. Dia izao miditra amin’ny dingana manaraka izao ny mpiasam-panjakana hanerena ny mpitondra hanatanteraka ilay fifanarahana”.

Etsy andaniny dia efa mandeha tsikelikely koa ny “désobéissance générale” ataon’ny mpiasam-panjakana ka manodidina ny 32% no efa manaraka izany, hoy kosa Ramamonjisoa Florentin. Amin’ny alalan’ny tsy fandraisana asa indray no anehoana ity farany ka ny mpiasan’ny Kongresin’ny tetezamita no tena miray hina hatreto raha ny fanazavany ihany.

Yves