Actualités

Mpiaro ny tombontsoan�ny filoha Tsy te hahalala ny 90%-n�ny vahoaka tsy an�asa

Actualités
Talata 02 Jona 2015

Misesy samy manao fanambarana ao amin�ny haino aman-jerim-panjakana avokoa ankehitriny ireo minisitra mpikambana ao amin�ny governemanta sy ireo mpikambana avy ao amin�ny antokon�ny Filoham-pirenena nandritra izay nisian�ny disadisa eo

amin’Ambohitsorohitra sy Tsimbazaza izay. Ho an’ny minisitry ny Vola sy ny Fitantanam-bolam-panjakana dia fanakorontanana ny fiainam-pirenena izay efa manomboka miarin-doha izao ataon’ny Solombavambahoaka izao. Mihemotra ny mpamatsy vola izay efa manomboka mahatoky antsika, hoy ny minisitra ary miteraka tsy fananan’asa sy hampitombo ny fahantrana indray izany. Ny fikambanan’ny Senatera sy ireo mpikambana tao amin’ny filankevitra ambonin’ny Tetezamita izay mpanohana ny fitondrana Hvm aza anefa efa 90% -n’ny vahoaka no efa mahantra sy miofy akondro vava ary 92 % tsy an’asa. Tsy ampy hampanenoana lakolosy ve izany ireo salan’isa ireo fa aleo mihitsy ho 100% tokony hiteny ny Solombavambahoaka ? Mikasika izany vola avy amin’ny mpamatsy vola izany, iza indray moa izao no tsy mahatsapa fa resaka fampanantenana no tena betsaka fa ilay vola fanampiana toy ny ivin-tsaka ny firotsany. Tsy misy tsininy ny fiarovana ny tombontsoan’ny filoham-pirenena sy ny mpikambana ao amin’ny governemanta. Tsy mba tokony hojerena ihany koa ve ny zava-misy iainan’ny vahoaka e ?