Actualités

Mpangalatra omby manerana ny nosy Alefa eny Tsiafahy na atao sesin-tany

Actualités
Sabotsy 29 Aogositra 2015

Izahay dia efa nampiaka-peo teto Tsimbazaza fa tokony hofoanana ireo Labatora famonoana omby natsangan�ny Sinoa any Toliara sy etsy Vontovorona, hoy ny depiote Randrianandraina Th�ophile avy any Benenitra fa ireo no mahatonga ny firogatry ny halatra omby any Atsimo any.

Tena omby halatra ireo hanin’Antananarivo isan’andro ireo fa isan’andro vaky izao dia fiarabe tsy latsaky ny 30 no indray miainga ho aty an-drenivohitra aty. Ambarako etoana fa tsy hisy mihitsy mpiompy avy any Atsimo hivarotra omby 20 indray mandeha aminao izany. Mihanaka ny basy mivezivezy etsy sy eroa any an-toerana. Mbola takianay ny hampidirana miaramila raikitra ireo zazavao nahavita fanompoam-pirenena fa ireny no lasa sahisahy mampiasa ny fahaizana nifitra tao amin’ny miaramila. Ao anatin’ny PGE navoakan’ny fanjakana dia voalaza fa migadra hatrany amin’ny 10 taona izay tratra mangalatra andramena fa tsy mba voatonona ny amin’ny mpangalatra omby. Soso-kevitra homenay ny hoe : raha mbola any Toliara any no hanagadrana ireo mpangalatra omby ireo dia tsy hahafay an-dry zareo izany fa alefa higadra an-tany lavitra toy ny eny Tsiafahy avy hatrany izy ireo na alefa sesitany tahaka ny tany Nosilava taloha. Amiko, tena henatra ho an’ny fanjakana izany hoe mpitandro ny filaminana viravirain’ny dahalo izany”.