Actualités

Moramanga Voasambotra ilay jiolahy notadiavina ela

Actualités
Alatsinainy 23 Novambra 2015

Voasambotry ny polisy tao Moramanga omaly alahady 22 novambra maraina ilay jiolahy nampikaikaika ity distrika ity iray manontolo

. Efa ela izy io no nanaovan’ny avy ao amin’ny fitsarana any an-toerana fikarohana na “Avis de recherche” ka izao vao tratra. Efa nanao izay ho afany ihany ireo mpitandro ny filaminana any an-toerana na dia anisan’ireo tsy ampy olona sy fitaovana toy ny namany manerana ny nosy aza. Misy olona ambony miaro anefa ity jiolahy ity ka votsotra foana rehefa azo. Ny namany 7 lahy efa voatazona ao amin’ny fonjan’i Moramanga ao ankehitriny. Fantatra fa anio alatsinainy 23 novambra no hatolotry ny polisy ny fampanoavana ao Moramanga ity jiolahy raindahiny ity.

Ntsoavina Evariste