Actualités

Ministra te ho kandida Nihemotra fa nilaza loza ny �sondage�

Actualités
Zoma 22 Oktobra 2010

7% no tahan’ny vato manankery ho azony raha ny vokatry ny fanadihadiana nakana ny hevitry ny olona, raha ingahy ministra no ho kandida Ben’ny tanàna eto Antananarivo. Nitsangambolo avy hatrany izy raha nomena ny valiny. Nihoron-koditra koa ireo “staff” politikany, ary nanapa-kevitra avy hatrany ny hihemotra sao afa-baraka eo.

Fanao any amin’ny tany mandroso ny mihaino hevitr’olona maromaro na “sondage” mialoha ny handraisana fanapahan-kevitra amina tetikasa na fandaharanasa iray heverina hotanterahina. Dia natao tokoa izany. Ary tamin’ny fomba siantifika no nitondrana azy. Izany hoe, mety tsy hifanalavitra amin’ny vokatr’io “sondage” ny vokatra tena izy raha hirosoana tokoa. Nihevitra ingahy ministra fa tombony ho azy ny maha mpitondra azy ankehitriny izy rahateo mbola tanora ka nanao kajikajy fa mora ho azy ny hambabo indray ny fon’ny tanora eto Iarivo, toy ny niseho ny desambra 2009, rehefa tonga izay fifidianana Ben’ny tanàna izay. Hafa anefa no fipetraky ny raharaha.

Nangonin’i Jean D.