Actualités

Minisitry ny fitsarana teo aloha Nodimandry ny sabotsy teo

Actualités
Alatsinainy 13 Febroary 2017

Nodimandry ny sabotsy teo Rabenindrainy Manohisoa, minisitry ny fitsarana tamin�ny andron�ny filoha teo aloha Ratsiraka Didier sady efa mpikambana teo anivon�ny Fitsarana avo momba ny lal�mpanorenana.

Tsy fantatra mazava izay aretina nahazo azy fa ny hany fantatra dia nikiky azy miandalana ihany koa ny aretim-po noho ny fahafatesan’ny vady andefimandriny ny alakamisy lasa teo.Tao amin’ny hopitaly manara-penitra eny Anosiala no namoy ny ainy Itompokolahy rehefa nanaraka fitsaboana nandritra ny andro maromaro. Voatery nahemotra ny fandevenana an’Itompokovavy noho izany raha efa nentina nidina any Tsianolondroa Fianarantsoa kosa ny razana ny omaly. Raha araka ny vaovao farany voaray moa dia hiara-kalevina rahampitso alarobia izy mivady raha tsy misy ny fiovana, fanapahan-kevitra noraisin’ireo zanany enina mianadahy. Ho avy hanatrika izao fandevanana izao ireo tompon’andraiki-panjakana isan-tsokajiny any an-toerana. Izahay eto amin’ny gazety Tia tanindrazana dia mankahery ny fianakaviana Rabenindrainy.

Pati