Actualités

Mikatso ny fitsarana Mitokona ny mpiraki-draharaha eran�i Madagasikara

Actualités
Talata 10 Martsa 2015

Niveri-maina avokoa ireo nanan-draharaha teny amin�ny tribonalin�Anosy omaly. Takela-tsoratra vita an-taratasy sisa no milaza fa mihemotra amin�ny faha-13 martsa na andro hafa ny raharaham-pitsarana hatao na voka-pitsarana tokony ho navoaka omaly.

Tsy nisy fandraisan-taratasy ihany koa fa nitokona ny mpiraki-draharaha. Tsy vao izao izy ireo no mitokona. Zavatra maromaro no takian’izy ireo toy ny fanamboarana ny mari-karamany, ny fandoavana ny tambin-karama, ny hanokafana fifaninanana ho an’ny « Greffier en chef concepteur ». Itarainan’izy ireo koa ny fisian’ireo olona mahitahita ka lasa mpiraki-draharaha kanefa tsy nanao fifaninanana na tsy niofana manokana momba izany akory. Araka ny fanambaran’Atoa Rabenandrasana Nicolas, filoha mpitarika izao hetsika izao dia tsy terena izy ireo handray anjara amin’ny fitokonana fa malalaka amin’ny safidiny ny tsirairay. Fantatra kosa anefa fa manerana ny biraon’ny Fitsarana eran’ny nosy izao fitokonana izao. Miankina amin’ny fahazoana ny valiny mahafa-po sy miankina amin’ny fifandanjan-kery eo amin’ny mpiraki-draharaha sy ny fitondram-panjakana no mety hampijanona ny fitakian’izy ireo izay efa manodidina ny 1300.