Actualités

Maty tampoka i Alexandra Smith Misaona i Mamy Rakotoarivelo

Actualités
Zoma 27 Novambra 2015

Maty tampoka tany Paris �Frantsa omaly maraina i Alexendra Smith, fofombadin�i Mamy Rakotoarivelo.

Nanamafy sy nanamarina izany ity filohan’ny kongresin’ny Tetezamita teo aloha ity rehefa nitafana fohy tamin’ny alalan’ny antso an-tariby. Tsy nety niresaka betsaka manodidina izao fahafatesana tampoka izao kosa ny tenany. Araka ny efa nambarany tamin’ny fihaonan’Atoa Mamy Rakotoarivelo farany tamin’ny mpanao gazety tao an-tokantranony dia ny volana febroary taona 2016 no saika hanatontosana ny fanamasinana ny fanambadian’izy ireo no izao i Alexandra nandao ny tany tampoka tao anatin’ny fahatanorany izao. Tsiahivina fa i Alexandra Smith no fofombadin’Atoa Mamy Rakotoarivelo nampahafantariny ny fiarahamonina tamin’ny fomba ofisialy taorian’ny nisarahany tamin’i Juliana Andriambelo, tale jeneralin’ny gazety Midi Madagasikara izay vadiny voalohany.

Andry Ratovo