Actualités

Masoivoho Amerikana Am-perinasa ireo andiana diplaomaty vaovao

Actualités
Zoma 24 Septambra 2010

Naseho tamin’ny fomba ofisialy ny alakamisy 23 septambra 2010 nandritra ny lanonana nokarakaraina tao amin’ny Masoivoho Amerikana ao Andranomena Antananarivo ireo andiana diplaomaty vaovao honina sy hiasa eto Madagasikara eo anivon’ity Masoivoho ity mandritra ny taona roa eo ho eo. Nasaina hanome voninahitra ny lanonana ireo Masoivoho miasa eto Madagasikara sy ireo mpiara-miasa akaiky aminy na avy amin’ny sehatra miankina na tsy miankina amin’ny fanjakana. Raha ampahatsiavina dia anisan’ny olom-baovao avokoa izany izao no hiandraikitra ireto toerana ireto dia ny Lehiben’ny fitantanana ankapobeny, ny Lehiben’ny fitantanam-bola, ny Tale vaovaon’ny mpilatsaka an-tsitrapo (Corps de la Paix), ny Tomponandraikitra voalohany amin’ny fintantanana, ny Mpanolotsaina amin’ny serasera sy kolontsaina, Ny Mpanolotsaina amin’ny sehatry ny fiarovana, ary ny Tomponandraikitra ao amin’ny sampana konsolary. Nitarika ny lanonana tamin’io omaly io ny mpiandraiki-draharaha amerikana, Eric Stromayer.

Nangonin’i Jean D.