Actualités

Marc Ravalomanana Mijoro hatrany ho Raiamandreny

Actualités
Alatsinainy 06 Septambra 2010

“Hala-tahaka tamin`izay natao tany Mauritania no atao eto Madagasikara, ary La Frantsa no ambadik`izany”, hoy Rakotovazaha Olivier.Fifidianana simika no natao tany, hoy izy, nanaovana ilay bileta tokana, ka rehefa ela ao anatin`ilay boaty dia nanjavona ny safidy ka dia nandresy izay tsy voafidim-bahoaka. Ankoatra izay dia nanao antso avo tamin`ireo miaramila ny tenany hitady izay nividy ireo helikoptera efatra sy nivarotra ireo hazo sarobidy, toy ny andramena. Tetsy andanin’izany dia nambaran`ity Sekretera jeneralin`ny antoko MFM ity fa tsy mitady seza ny ankolafy Ravalomanana. “Ny mahamaika anay dia ny famerenana ny ara-dalàna”, hoy izy. Koa raha tsy mbola miverina Radidy sy Ravalo dia tsy hisy fihaonambem-pirenena vanona izany eto, hoy ihany izy. Manao amboletra manko, araka ny fanazavany, ny Raiamandreny najoro hametrahana Mpanjaka vaovao ka mikasa hamory olona an`arivony. Ankilan`ìzany dia nambarany fa lasa eo ambany fiahian`ny fiadidiana ny Fahefana Avon’ny Tetezamita avokoa ny ankamaroan`ny ministera rehetra. Tsy misy ny vola fa resabe ny filazana fa fitsitsiana no atao amin`izao.

Nangonin`i Soa