Actualités

Partagé sur :
• facebook

Mandalo ao Antsiranana ity mpanakanto avy atsy amin’ny nosy La Réunion ity ary niresaka tamin’ny mpanao gazety mba hamoaka ny hetahetany. Satria Malagasy ny renibeny, anisan’ny anton-diany ao Antsiranana koa ny hitady io fianakaviany io.

Nandritra ny fitsangantsanganana nataon’izy mivady tao an-toerana dia nahatsapa sy nahita maso izy ireo fa misy zaza sahirana maro be ao Antsiranana ka mikaroka fiaraha-miasa amin’ny fikambanana ao an-toerana ny fikambanana misy azy antsoina hoe : “Variété Créole”. Tsotra ny tanjona dia ny hiahy ireo zaza hita fa sahirana eny anivon’ny Fokontany. Voakasik’izany ireo zaza kamboty, na sahirana ny ray aman-dreny amin’ny fampianarana azy... Araka ny nambaran’i Mama Dolores dia zaza valo taona, 20 isa eo no mety hiantohan’ny fikambanany.

Nilaza koa izy fa mitady io fikambanana afaka hiaraha-miasa aminy io mba handefasana ireo fitaovana ho an’ireo zaza hiahina ireo. Mpanakanto sy mpampianjaika amin’ireny akanjo mariazy sy akanjo fitondra milanonana ireny koa izy ary nanana tantaram-piainana mampalahelo. Mbola kely izy no maty ny reniny, zaza maty kapoky ny rainy anefa izy. Tsy vitan’izay fa teo amin’ny faha-8 taonany dia voaolana koa. Anisan’ny antony nahatonga azy mitsinjo manokana ny zaza ireo tantarany ireo. Tsy ho ela moa dia hamoaka boky, nosoratany, mirakitra ny tantaram-piainany mitondra lohateny hoe : “L’enfance difficile” izy. Mandray anjara amin’ny horonantsary hoe “Marie des époux” koa izy, izany hoe ny manambady tanora. Efa namoaka raki-kira telo i Mama Dolores amin’izao.

Tia Tanindrazana

Samia mijoro ho an'i Gasikara.