Actualités

Maloto ny tan�na Atahorana ny fihanaky ny areti-mifindra any Tolagnaro

Actualités
Sabotsy 29 Aogositra 2015

Tsy isalasalana ny mety hisian'ny areti-mifindra sy ny haromotana raha ny zava-misy iainana ao an-drenivohitra Anosy no zohina.

Isaky ny elakela-trano sy eny amoron-dalana, saika ahitana fako avokoa. Misy amin'ireo fako ireo ao anatin'ny 2 na 3 herinandro tsy mbola voaaisotra. Maimbo ny tanàna, maloto ny rivotra. Ireo mpiompy kisoa ao an-tampon-tanàna mihamaro. Mihanaka ny parasy lafrika sy ireo fofona maro samihafa. Ireo loto vokatry ny tsy fananana lava-piringa na wc, manaraka eny ihany. Tsy mijanona amin'ireo voalaza ireo fa mbola loza mitatao ao amin'ity renivohitra iray ity ny fivezivezen'ireo alika ao an-tampon-tanàna. Ny fandrindrana asa ao amin'ny fiadidiana ny tanàna eo ambany fiahian'ny filohan'ny delegasiona manokana efa tsy rototra intsony amin'ny fanohizana ny asa. Mety hananosarotra raha tratran’ny kaikitr'alika tsy ampoizina ny mponina. Tsy maintsy hisy fiantraikany amin'ny fahasalaman'ny mponina izany rehetra izany. Asa very maina no misy raha tsy mbola misy ny arofanina. Tsetsatsetsa tsy aritra ihany no ilazana fa maro amin'ireo Ong sy fikambanana no mitonona hanarina ny fiainan'ny mponina. Ilana fanaraha-maso.