Actualités

MAHAY NY MPITONDRA

Actualités
Talata 10 Martsa 2015

Mahay ny mpitondra eto Gasikara, No miavaka indrindra amin`izay nantsoina. Satria dia tsy hafa fa labatoara No indro ametrahany ireo traboina.

Mahay ny mpitondra eto Gasikara ,
Ny zava-tsy mety no ikirizana.
Iarivo no tiana ho voazarazara,
Satria main-tseza ry “hery vizana”.

Mahay ny mpitondra eto Gasikara ,
No miavaka indrindra amin`ny teo alohany.
Toa mamonkin-tanana raha hizara,
Fa raha hoe handany dia tena lohany.

Mahay ny mpitondra eto Gasikara,
No miavaka indrindra amin`ny any ho any.
Vahiny no atao tsara karakara,
Potehina kosa ny teratany.

Mahay ny mpitondra eto Gasikara,
K`atao hirahira tsy hay soloina
Ny hahazo efatrefatra tena tsara,
Na be aza ny olona hoe traboina.

SEDERA RAVALISON (07-3-15)