Actualités

Magro Nosamborina ny mpiambina

Actualités
Alarobia 08 Desambra 2010

Vao maraim-be omaly dia efa nisy ny fisamborana teny Ambohimanarina. Raha araka ny fantatra dia lehilahy iray izay mpiambina ny Magro io farany. Voarohirohy ho tafiditra amin’ny asa fampihorohoroana teto an-drenivohitra raha araka ny fanazavan’ny zandary izay nanao ny fisamborana izay narahin’ny fisavana ny tranony. Miaramila teo aloha ity lehilahy ity ary efa nahiahiana ho tompon’antoka tamin’ny fanaparitahana baomba sy fanipazana grenady, raha araka ny loharanom-baovao akaiky ny zandary. Ny loharanom-baovao mitovy ihany no nahafantarana fa mbola misy olona maromaro manodidina azy no manampy amin’ity asa ratsy ity. Hatreto dia tsy mbola nilaza na inona na inona ny mpanao famotorana mba ho fiarovana ny tsiambaratelon’ny famotorana. Raha araka ny fantatra koa anio dia mety hihaona amin’ny mpanao gazety ny lehiben’ny Emmo-Reg ary hanome fanazavana misimisy kokoa momba ity fisamborana ity.

r.d