Actualités

Madagasikara sy Royaume Uni Hampiroborobo ny fifandraisana efa ho 200 taona

Actualités
Alatsinainy 23 Novambra 2015

Tontosa tany Londres ny dinika miompana amin�ny fifanakalozana ara-barotra ary ny fampiasam-bola eo amin�i Madagasikara sy Royaume Uni.

Nomarihan’ny Filoha Malagasy Hery Rajaonarimampianina sy ny Minisitra britanika misahana an’i Afrika, Atam Sandhu, fa ny fifandraisana ara-diplaomatika eo amin’ny tany roa tonta dia efa niatomboka tamin’ny taona 1818 ka nohamafisin’ny Filoha Malagasy ny tokony hampiroboroboana izany fifandraisana manan-tantara izany, hahatonga ny fiaraha-miasa mahomby. I Royaume Uni dia anisan’ireo firenena 6 mampiasa vola be indrindra eto Madagasikara. Ny sehatra tena iasan’ny anglisy dia ny fitrandrahana harena ankibon’ny tany sy ny solika. Nambaran’ny Filoha Rajaonarimampianina fa firenena manankarena voajanahary sy azo ampiasam-bola tsara i Madagasikara ary manana mponina tanora sy mavitrika. Navoitrany ihany koa ny tontolo iainana tsy manam-paharoa.

Mila famatsiam-bola sy fampiasam-bola mafonja i Madagasikara mba hanatsarana ny harinkarena ary mila fotodrafitrasa sy angovo ary teknolojia maro, hoy ny Filoha Malagasy, ka niompana tamin’izany ny fifampidinihina.