Actualités

Madagascar Airways Tsy mety mandoa hofan-trano ?

Actualités
Alatsinainy 11 Desambra 2017

Misy feo mivoaka ankehitriny nandrenesana fa tsy mbola nandoa ny hofan’ny Hangar itoerany eny Ivato tao anatin’ny roa taona nisiany ny kaompaniam-pitaterana ana habakabaka tsy miankina Madagascar Airways.Any amin’ny ADEMA moa no tokony handoavana io vola hofan-trano io, ary manao izany ny rehetra manana fiaramanidina sy birao eny, ireo orinasa tsy miankna no resahana eto.

Fantatra fa rehefa notakiana io hofan-trano io ny Madagascar Airways dia namaly fa efa nanamboatra ny trano (Hangar) izy ireo ka tsy tokony ho tahiana hofan-trano intsony.Tsara ho marihana fa Hangara nampiasain’ny Groupe TIKO tamin’ny fotoan’androny no lasan’ity kaompaniam-pitaterana ana mpandraharaha akaikin’ny filoham-pirenena ity, ary mbola tena azo iadian-kevitra koa aza ny fomba nahazoany azy .Mety manana olana ara-bola ve ny Madagascar Airways sa tena midrikina tsy handoa hofan-trano tsotra izao satria mahatoky fa tsy hisy sahy hikitikitika azy eto raha mbola eo amin’i fitondrana i Hery Rajaonarimampianina ? Ary raha toa ka samy hanao izany avokoa ny rehetra hoe efa mba nisy fanamboarana nataonay ka aleo izahay tsy handoa hofan-trano dia inona no mety hitranga ? Miandry ny mangarahara amin’ity raharaha ity ny maro ary manana adidy ny mpitantana ny Madagascar Airways hitondra fanazavana fanampiny momba ny Hangar itoerany eny Ivato.

RTT