Actualités

Lozam-pifampivoizana etsy sy eroa Ny toe-tsain�ny mpamily mihitsy no mila miova

Actualités
Alakamisy 05 Janoary 2017

Nifanesisesy sahady tato ho ato ny lozam-pifamoivoizana na dia vao miandoha aza ny taona.

Nisantatra izany ny teny amin’ny By-pass izay naharatrana olona 31 raha vao nitombo ho valo koa omaly ny isan’ireo namoy ny ainy tany Ilempona vokatry ny fifandonan’ilay kamiao iray tamina sprinter iray avy any Fianarantsoa. Raha araka ny fanehoan-kevitry ny Rajakoba anisan’ireo mpamily matihanina eto an-drenivohitra dia ny toe-tsain’ny mpamily mihitsy no mila ovaina raha tiana ny hanafoanana ny lozam-pifamoivoizana. Misy amin’ireny namana ireny mantsy hoy izy no tia mifanenjika rehefa mahazo lalana malalaka ka mitsapa ny herin’ny fiara nefa ain’olona no lalaovina. Toraka izany koa ny tsy fitandremana hoy hatrany Rajakoba izay tokony hatomboka amin’ny fitandreman-tenan’ny mpamily dia ny fanaraha-maso ny lafiny ara-teknikan’ny fiara mialohan’ny hivoahana ny garazy. Tsy latsa-danja amin’izany hoy hatrany ity mpamily iray ity ny fanajana ny lalàna mifehy ny fifamoivoizana izay hianarana any amin’ireo sekoly mpampianatra mamily fiara ireny ary tokony hajaina na dia mivoaka ivelan’Antananarivo aza. Ho an’ireo tia misotrosotro mbola am-perin’asa moa dia notsindriany manokana fa tafiditra ao anatin’ny tsy fitandremana ireny ankoatra ny loza tsy nahy tonga tampoka tahaka ny rivo-doza.

Pati