Actualités

Lozam-pifamoivoizana Fiara Polo nofaohan�ny kamiao nandratra olona telo

Actualités
Alarobia 05 Mey 2010

Nitrangana lozam-pifamoivoizana teny Avarabohitra Itaosy afak’omaly alina tokony ho tamin’ny 11 ora. Fiara Polo miloko mena ranombalahy iray avy any Andranonahoatra no nofaohan’ny kamiao be iray avy any Antanimenakely Ampitatafika. Niakapoka tany amin’ilay vavahady vy be miditra mankany an-tranon’olona, monina eny amin’iny lalana iny ilay fiara Polo vokatr’izany ka potika tanteraka ny lohany. Mbola nandeha ihany anefa ilay fiara ka tafaverina teny amin’ny arabe vao nijanona. Vokany, olona telo no naratra mafy. Anisan’izany ilay mpamily izay mampanahy tokoa ny ainy amin’izao fotoana izao. Tsy dia ahiana kosa ireo namany roa hafa niaraka taminy tao anaty fiara. Marihina fa tsy hita ilay kamiao be nandona ity fiara Polo ity sy ny mpamiliny hatramin’ny omaly. Efa eo am-pelatanan’ny mpitandro ny filaminana ny raharaha.

Pati